(( .. مواقف من حياتي ... ايّام الثانوية .. ))

بسم الله الرحمن الرحيم







هذا الموقف حصلّي ايام الثانوية، كنّا رادين للبيت انا واثنين من الشباب، وكانت الكتب ثقيله جدا لان يوم السبت دائماً يكون مكثف!!فبينما كنا نمشي فجأة مر من صوبنا باص مدرسة وطلع من الباص < قوطي > بيبسي وطق براس واحد من عندنا، طبعا الاخ ما سكت !!!! عصب ومسك صخره وحذفها بكل قوة داخل الباص، فوقف الباص جدامنا بجم متر، ثم نزل من الباص مجموعة كبيرة من الشباب المراهقين < خوال > - بمعنى سود البشرة - وكان اول من نزل منهم شاب صغير والدم ينزف من رأسه ويبجي ويقول : " وينه هذا اللي حذف الصخره ؟؟ "، طبعاً الحبايب ما حبوا تصير بروسهم !!! فقاموا يأشرون علي ويقولون " هذا هو " وانا طبعاً صارت على راسي علامات تعجب واستفهام كثيرة !؟!؟!؟!؟!؟!؟!؟!؟!؟!؟! فجو يبون يطقوني وانا طبعاً طبقت المقولة التي تقول " الهروب نصف الشجاعه ! " والكتب سبحان الله صارت خفيفه عليّ اخف من الريشة:)، ركضت واهم يلحقون وراي ومحد قدر يوصلي وبصراحه يمكن لو اني داش مسابقة ( الجري ) يمكن اطلع الاول !!






ولله الحمد .. وصلت للبيت سالماً معافى من كل شر وبلاء، فلما تلاقينا انا وواحد من كان معانا - اللي حذف الصخره - سألته عن اللي حصل معاه فقالي : " لما لحقو وراك ظلت مجموعة تبي تطقني فانا من الخوف نحشت بين البيوت فلما دخلت بين البيوت سمعت صوت صخور تتحاذف وتطق بعض البيوت " واما الاخير لما سألناه وكان < خال > قال " الحمدلله ما سوو لي شي "






يالله الحمدلله " جت سليمه " ..